STILLE POST / CORREU SILENT
6 altabozetarako instalazioa.
9 soinu pieza, 56 min.
Museu Fundació Juan March, PALMA DE MALLORCA (Illes Balears)
ARTE SONORO EN ESPAÑA (1961-2016) Komisarioa: José Iges, Jose Luis Maire
2016.02.10 – 2016.05.21
Juan March fundazioaren enkarguz eta ARTE SONORO EN ESPAÑA (1961-2016) erakusketa kolektiborako egindako lana. Erakusketa hartuko zuten 3 museoen hiru soinuzko erretratu egiteko enkargua hirukoitza izan zen, eta Francisco Lopez, Juanjo Palacios eta Xabier Erkizia izan ginen aukeratutakoak.
Nere piezak “telefono hautsia”-ren edo alemanez Stille post deitzen den umeentzako jolasaren logikari jarraituz, museoko solairu ezberdinetan jasotako soinuak bertze objektuetan (eskulturak, museoaren azpiegiturak, leihoak…) erreproduzituz eta aldiberean haiek jasoz osatua izan zen. Modu honetan, jatorrizko grabaketak, erretratu bat osatzeko orduan ustez objektiboenak, bertze materialen izaeraren eta edukiaren arabera baldintzatuta geratzen dira, etengabe agertu eta desagertzen diren soinu kate bat sortuz.
Museu Fundación Juan March de Palman ikusgai zegoen izen bereko soinu-instalaziotik abiatuta, Erkiziak pieza hau prestatu eta nahastu zuen CDrako bertsio batean, eta, zehazki, entzungailuekin entzuteko. Horretarako, lehenik eta behin, museoko espazioak arakatu zituen, soinu-ezaugarriak ikertu zituen eta espazio arkitektonikoak grabatu zituen. Soinu-fenomeno orok balio du esploratzeko, bai museoaren kanpoko soinuek, bai zentroko lantaldearen elkarrizketek, eraikinaren instalazio teknikoek sortzen dituzten soinuetatik edo, azken batean, berrinterpretatzeko prest dagoen pianotik pasatuz. Soinu-corpus hori, pieza egiteko bigarren fasean, museoan ikusgai dauden eskulturen gainean erreproduzitu zen (batzuk, Julio González, Jorge Oteiza, Susana Solano edo Txomin Badiolarenak bezain biribilak), eta erresonantzia-kaxa gisa erabili ziren, bizi diren espazioarekin elkarrizketa ezkutuan.
Jose Luis Maire